ملکی حوال

کوئٹہ ٹی فزیو تھراپسٹ ایسوسی ایشن نا سروکی ٹی تدوکا دے تیٹ برانز آ تولوک مخلوق آ پولیس کریک ڈاؤن و دزگیری تا بر خلاف دپدرشانی کننگا ہرا ٹی خوانندہ تنظیم تا باسک آک ہم اوار اسر۔ دا وخت آ خوانندہ تنظیم تا باسک آک و فزیو تھراپسٹ آک دپ درشانی کریسہ بلوچستان اسمبلی نا مونا تولوک برانز کریر۔ برانزیکحکومتی نا انصافی و فزیو تھراپسٹ تا خواست آتیکن نعرہ خلکر۔ یاتی مرے فزیو تھراپسٹ ڈاکٹر آک تدوکا کہی تُو تیان کوئٹہ ٹی تینا خواست آتیکن تولوک برانز کننگ ءُ و تدوکا پنچ دے آن او کوئٹہ ریڈزون ئٹ برانز کننگ ءُ۔ تدوکا دے کوئٹہ ریڈ زون ئٹ برانز آ تولوک نرینہ و زالبول فزیو تھراپسٹ تے پولیس بے دادی آن گڈ دزگیر کریسس۔ برانزی تا رد ئٹ پولیسلٹ و کٹ و بے دادی آن فزیو تھراپی ایسوسی ایشن کمیٹی نا اسہ زالبول باسک ئس تُسینگاسس۔ ڈاکٹر آتا پاننگ ئس کہ بلوچستان و ایلو صوبہ تا اسپتال آتیٹ دارو درمان ئٹ زمین و آسمان نا فرخ ءِ۔ بلوچستان آن گیشتر آ ناجوڑ آکچنکا ناجوڑی کن ایلو صوبہ تیا کارہ داٹی ہچو شک ئس اف کہ اوفتے داکان جوان جانجوڑی نا آسراتیک ایڑے رسینگرہ او آسراتی تیٹخاص وڑ ئٹ جانجوڑی نا پڑ تون تعلقداری تخوک پروفیشنل عملہ ہرا ٹی فزیو تھراپسٹ ہرا لس جانجوڑی کن اسہ اہم ءُ کڑد ئس ایسریایتک۔ ولے بلوچستان ئٹ دا شعبہ ءِ حکومت نا کنڈ آن ساندہ خنتے آن چپ کننگک۔ برانزیک دا وخت تینا مُسہ خواست حکومت نا مونا تخانو او خواست آتیٹ غٹ دزگیر مروک فزیو تھراپسٹ تے یلہ کننگ، فزیو تھراپسٹ تابر خلاف آیف آئی آر تا ایسری و ایسوسی ایشن نا خواست آتیا عمل کننگ اوار ءُ۔ اوفک پاریر کہ نن حکومت بلوچستان ءِ پاننگ خوانہ کہ ننا جائز خواست آتے زوت سوبری ئٹ منیسہ ننے تینا لائخی تے ایسری تننگ ناوخت تننگے۔ اگہ ننا خواست آک اِرا دے ٹی مننگتور، گڑا نن بیوس مریسہ بین برانز آ تولون و اگہ دا وخت ئٹ ننے اسہ نسخان ئسرسینگا اونا ذمہ وار حکومت مرو۔

بلوچستان نا ضلع واشک ئٹ مروک اسہ روڈ شکست ئسے ٹی پولیس آفیسر اس مرگ ئنا گواچی اندن اِرا کارندہ ٹپی مسر۔ روڈ شکست ئٹ کہوک آفیسر نا چاہنداری ایس پی عبدالطیف نا پن ئٹ مسونے۔ پولیس نا پاننگ ءِ کہ روڈ شکست ہموتم مونا بسونے ہراتم پن کروک آفیسر ضلع پنجگور آ ہننگ ٹی مسونے کہ واشک نا ہند آ تدینی ناگواچی مسونے۔ جون و ٹپی آ پولیس کارندہ تے اسپتال آ سر کننگانے۔

بلوچستان نا ضلع کیچ نا تحصیل بلیدہ ٹی ہفتہ نا نن اسہ اسکول ئسے خاخر تننگانے۔ شابیتی حوال تا رد ئٹ نادرست بندغ آک تحصیل...

نوشکے ئٹ پولیس نا سم کاری نا سوب آن بیران مروک آ ورنا نا خاہوت جون تون اوار برانز کرے۔ لیویز فورس نا سم کاری...

  منگچر بازار نا ہند آ زالبول آک گیس نا بند کننگ نا برخلاف برانز کریر کوئٹہ کراچی کسر آ برانز تِریسہ کسر ءِ ہر...

بلوچ یکجہتی کمیٹی شال نا ترجمان بیان ئس شینک کریسہ پنجاب نشتر اسپتال آن سد آتا کچ ئٹ جون تا خننگ خلیس نا درشانی...

بلوچستان نا جتاء علاقہ آتیٹ سُم کاری و کسر شکست آتیٹ جمعی وڑ ئٹ اِرا بندغ مرگ نا گواچی و بھاز آک ٹپی مسونو۔ شابیت...

تربت یونیورسٹی نا اِرا خوانندہ زوراکی ئٹ بیگواہ کننگانو اندن پین چار بندغ ءِ ضلع کیچ آن پاکستانی لشکر دزگیر کریسہ بیگواہ کرینے۔ ٹی بی...

نیشنل ڈیموکریٹک پارٹی نا بیگواہ راہشون ڈاکٹر جمیل بلوچ آجو مریسہ تینا اُرا غا سر مسونے۔ ڈاکٹر محمد جمیل ولد جمعہ خان جلیانی کیتھران ءِ...

بلوچستان نا علاقہ ہرنائی شارگ ٹی پنچ شمبے نا دے لیویز زردالو نا ہند آن کاظم ہزارہ نا جون ءِ خنانے۔ لیویز نا پاننگ ءِ...