بلوچستان نا علاقہ کوہلو ٹی اُرا نا چھٹ تمنگان اسہ خاہوت آن تعلقدار پنچ بندغ کذیت کریر و اسہ ٹپی مسونے۔
لیویز کوالخواہ نواز زرکون نا دا بابت پاننگے کہ کوہلو نا علاقہ دکی ٹی برجاء پِر نا سوب آن اسہ اُرا سینا چھت دڑا ہرانا سوب آن پنچ بندغ کذیت کریر و اسہ بندغس ٹپی ءِ اندن اُرا خواجہ دوست علی بے ہوش ءِ ہرادے کوہلو ہسپتال آ دننگانے۔
اونا پین پاننگے کہ حادثہ ئٹ کذیب کروک آتیٹ اِرا زالبول و مُسہ چُنا اوار ءُ۔
یاتی مرے کہ دارالحکومت کوئٹہ تون اوار بلوچستان نے شمالی علاقہ آتیٹ یک شنبہ نا دے ہم پِر برجاء ئس۔
نواز زرکون نا مُستی پاننگے کہ لیویز نا کارندہ غاک اُرا نا ڈھیر آن جون تے کشانو و ایلو کاریم تے تر شاغنگ نا کوشست ئٹی ءُ۔