وزیراعلیٰ سندھ مراد علی شاہ تون سوداگر آتا مذاکرات سرسوب مس ہراڑان گُڈ شاپنگ مالز آتیان بیدس مُچ مارکیٹ آک سوب نا شش آن شام ئنا پنچ بجہ اسکان ملنگ نا پڑو کننگا۔
وزیراعلیٰ سندھ سید مراد علی شاہ سوداگر آتیتون اوڑدئی کننگ نا وختا پارے کہ تدوکا بیست ءُ چار گھنٹہ ٹی 4215 ٹیسٹ کننگا، ہرافتان 709 پوسکنو کیس پاش مس ہرا ٹیسٹ آتا 17 فیصد ءِ۔ او پارے کہ داسکان 91323 ٹیسٹ کننگانے ہرافتان 11480 کیس بسونے، اُست ہسونی نا ہیت ئسے کہ اینو 9 ناجوڑ کسکر۔
وزیراعلیٰ سندھ پارے کہ دا وخت اسکان 189 ناجوڑ کسکنو اندن 9210 ناجوڑ دوا دارو مننگ ءُ۔ اینو 61 ناجوڑ دراخ مسر تینا اُرا تیا رادہ مسر، دراخ مروکا تا جمعی کچ 2081 ءِ، مراد علی شاہ پین پارے کہ مُچ سندھ نا 709 اندن کراچی ٹی 548 پوسکنو کیس رپورٹ مسونے ۔
دوارہ وزیراعلیٰ سندھ سوداگر آتا ہیت آتے بنگ و پگہ سوب 6 آن شام ئنا 5 بجہ اسکان کُل دکان تے ملنگ نا موکل تس، و سوداگر آتیان گارنٹی ہلک کہ ایس او پیز نا مونی دننگے 100 فیصد یخینی کننگو۔