ہرنائی و ایب کیب ئٹ پِر، جل تیٹ دیر نا ترندی و ہرنائی پنجاب کسر اِن و ر کن بند
ہرنائی و ایب کیب ئٹ مدان و اندن مَشی علاقہ تیٹ ہورہ گروک تون ترند پِر آن جل تیٹ دیر نا فراوانی آن ہرنائی پنجاب نا بھلا کسر اِن و بر کن منہ گھنٹہ اکن بند مس۔ پِر آن باسنی شیف تما و مُد چَس کرے۔
درو ہم دارالحکومت کوئٹہ تون اوار بلوچستان نا جتا علاقہ تیٹ پر کرے ہرانا سوب آن باسنی نا ترندی ایسر مس۔ واہم برجا پِر نا سوب آن کوئٹہ شار نا جتا روڈ آک جل تا دروشم نشان تسر۔
چار شمبے نا دے آ کوئٹہ، پشین، مستونگ، قلعہ عبداللہ و ایلو علاقہ تیٹ پِر کرے۔ پر نا سوب آن باسنی نا زور پنا ہراڑان روچئیک گل و بال مسر۔
پِر نا وختا شار نا مارکیٹ آتیٹ ہل و تس منہ ساعت کن نزور مس واہم دوارہ عئید کن گڑا ہلوکاتا مُچی زیات مریسہ کرے و مخلوق یخ آ مُد اٹ ہم تینکن گڑا ہلک۔