خضدار پولیس نا رد ئٹ نوا نا علاقہ جاڑی آن اسہ اژدہ سال ئنا مسڑ ئسے نا جون خننگانے۔ ہرادے خضدار ٹیچنگ ہسپتال نا تدینی تا جاگہ غا تخنگا۔
پولیس نا وسیلہ غاک پاریر کہ مسڑ نا خاہوت خضدار ٹیچنگ ہسپتال ن تدینی تا شعبہ غئے حوال کریسہ جون ءِ شناخت کریسہ دیر تا۔
پولیس نا پارہ غان تدینی نا حوالہ ٹی داسکان پین گیشتر حوال مون آ بتنے۔
یات سلے کہ داکان مہالؤ تدوکا دے ٹی تربت نا شار آن اسہ مسڑ ئسے نا ٹپی ٹوری ءُ جون اس ہم خننگاسس۔ ہرادے نادرست آ بندغ آک ارا غان ارفیسہ دریسر۔
آزات وسیلہ تا رد ئٹ تربت ئٹ مسڑ نا برمتہ و خون کننگ ئٹی سرکاری سلہہ بند ٹالی تا دو ارے۔ واہم خضدار آن رسینگوک آ جون ئنا شناخت و تدینی نا سوب آک دائسکان مون آ بتنو۔