وش نیوز نا مسکوئی بیوروچیف عطاء اللہ شاہ کرونا وائرس نا سوب آن کذیت کرے۔
ایماندار سید عطاء شاہ نا بنماسی تعلقداری نوشکی آن ءِ۔ او براہوئی ادب اٹ ایم فل ام کریسوس اوکان گڈ اسے صحافی اسینا دروشم کہی پڑ آ کاریم کرینے۔ اندن پی ٹی وی بولان و وش ٹی وی ٹی مہماندار ام مسونے۔ گڈیکو وخت آ وش ٹی وی نا بیور چیف ام گدرینگاسس۔
عطاہ اللہ شاہ دا وخت کوئٹہ سیکرٹریٹ ٹی اسٹینوگرافر ام اس۔
سید عطاہ اللہ شاہ منہ دے مست کرونا وائرس پنی ناجوڑی نا آماچ مسوسس۔ فاطمہ جناح چیسٹ ہسپتال ٹی اونا علاج مننگ اس ولے درو کرونا نا ناجوڑی نا سوب آن کذیت کرے۔
یاتی مرے اینو ڈبلیو ایچ او (ورلڈ ہیلتھ آرگنائزیشن) نا سرکماش تینا اسے بیان اسیٹی پارینے کہ بروکا وخت آ کرونا بھاز ترندی ٹی تالان مرو ہراڑان کہی کروڑ آ بندغ آتا بیران مننگ نا خلیس ارے۔