بارکھان ٹی لیویز صحافی و راجی کارگشاد انور کھیتران نا خون ئنا تُمت ٹی بلوچستان آن گچین کروک وزیرعبدالرحمٰن کھیتران و اونا اِرا محافظ نا خلاف مقدمہ نوشتہ کرینے۔
ایف آئی آر نا رد ئٹ، اونا ایلم غلام سرور لیویز ءِ پارے کہ انور ءِ اندا سوب آن کسفنگا کہ او صوبائی وزیر برائے خوراک و بہبود، عبدالرحمٰن نا بدعنوانی نا ردئٹ راجی حوالکاری نا پِڑ آ نوشتہ کریسس۔
وزیر نا اِرا سلاء بند نادر خان و آدم خان ہم ایف آئی آر ٹی پن کننگانو۔ سرور قانود ٹہیفوک آتے پارے کہ وزیر نا ورناک راجی حوالکاری نا پِڑ آ صوبائی وزیر نا برخلاف نوشتئی دروشم ئٹ اونا ایلوم ءِ ٹیلیفون آ تڑی تیسوسر۔
داسکان عبدالرحمٰن دا خون ٹی اوار مننگ آن نمن ءِ، او پارینے کہ ایلو بندغ آک ہرافتے ایف آئی آر ٹی پن کننگانے اوفک اونا سلاء بند بندغ الویس۔