جُفت جَھمّرک ہنار تُوبے آ تاک تاک چَٹ الکُر
بَرفی آ چہرہ غا اندن اونا زلفاک چَٹ الکُر
خَن تا دریا تیان ہیناری مَلاسی چُرّنگے
گلشن اَٹ اُست ئنا ویرانہ غا صحراک چَٹ الکُر
اُست ئنا خازہ انگا سُو آ نما غَم شولنگا
بارن انگا جغر آ دا نما درداک چَٹ الکُر
خاک چَٹ اَلک ننا کاٹم ءَ ہم باسُن ءَ دشت ئٹ
گلشن اٹ خَرُّن آ نا نَت تے آ پُھلّاک چَٹ الکُر
ہفت دریا وہِرَک ہفت سمندر نا ملاسی
سیر کے یار اگہ دا خن تا خڑینکاک چَٹ الکُر
او کِہ تقسیم کرے اُست ءِ تینا پین ئسے تو روحانی
مَسّو تالان ننا ہم گُڑا مِہراک چَٹ الکُر
روحانی طـوقی
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔