مستونگ: کردگاپ نا علاقہ گرگینہ کلی پسند خان ئٹی لس آباتی تیا پاکستانی لشکر نا گولہ خسنگ آن ٹپی مروک آتیان اسہ پین شش سال ئنا مسڑ اس ہسپتال ئٹی ٹپ آتیان بے سگ مریسہ کسک، ہراکان پد دا تدینی ٹی کہوک آتا کچ ودیسہ چار ءِ سر مس۔
حوال آتا رد ئٹ مسہ شمبے ہشت ستمبر نا نن ہفت بجہ نا وخت ایف سی نا پارہ غان لس آباتی تیا سٹی سمکاری و مارٹر گولہ خسنگا، ہراٹی بھاز آ گولہ غاک ارا تا زی آ ہم تمار۔
پاکستانی لشکر نا سمکاری آن بھاز گولہ غاک مولوی عبدالجلیل سرپراہ پنی آ بندغ نا ارا ٹی تمار، ہراڑے ساڑی اونا لمہ، ارا مسڑ ہمو تم جاگہ غئے کسکر و گولہ تیان کیہیک ٹپی مسر۔
واہم ٹپی تیٹی اوار شش سال نا مسڑ اس اینو ٹپ آتیان بے سگ مریسہ کسک۔