گوکڑت ناول براہوئی ادبی سوسائٹی نا پارہ غان شینک مسونے۔
براہوئی زبان نا پنی آ ادیب و شاعر نور خان محمد نا براہوئی ناول “گوکڑت“ براہوئی ادبی سوسائٹی نا پارہ غان چھاپ و شینک مس ۔
دا ناول نا بارہ ٹی براہوئی ادبی سوسائٹی نا پریس سیکرٹری حسن ناصر تینا خیال آتا درشانی دا وڑ ٹی کیک “براھوئی ادب اٹ اسہ گچینوں ودشت اس فلیش فارورڈ آ اسہ گچینو ناول ئسے ہراٹی بلوچستان ہیت کیک دا مش بوچ بہہ ہیت کیرہ تاریخ آن الیس ننا قدیم تہزیب دود ربیدہ رومانوہیت تون اوار ساڑی حالیت آتا باروٹ گچین وڑ اٹ سوج ہرفنگا نے او دا ناول اٹ بلوچ نفسیات و اونا مر و بیر ء اوار کننگا نے دا ناول دن کہ پن ءِ تہ”گوکڑت “ استعار بلوچستان کے النگا نے کہ گوکڑت ءِ ہرا وخت اسکا چیڑ چاڑ کتنے کس او وخت اسکا اسہ زیبا ءُ گڑا اس ہرا وخت کہ کس دادے دک خلک تو دانا زراب اودے پتک ایتک۔”
نور خان محمد حسنی براہوئی و اردو بولی ادب ٹی اسے شاعر ، افسانہ نگار و سفر نامہ نگار اس چائنگ مریک۔ نور خان محمد 2019 ڈائڑیکٹر جنرل پبلک ریلیشنز نا عہدہ آن ریٹائر مس ۔
دا وختسکان براہوئی و اردو زبان ٹی اونا چندی کتاباک چھاپ و شینک مسونو ۔ اونا کتابات آتیٹ ہمہ یاراں بہشت ( سفر نامہ ترکمانستان )، فارس کا سفر (سفر نامہ ایران )، زند و بود ( سوانح )، دمچر ( براہوئی شاعری )، بلوچستان ثقافتی تناظر میں ( کالم آتا مجموعہ )، گوکڑت ( براہوئی ناول )۔
اندن اونا اِرا کتاب “سفر نامہ کینیا و ایسٹ افریقہ “ و دھمال ( براہوئی شاعری ) پوسکن چھاپ مننگو ۔