بلوچستان نا ضلع کیچ نا جتا علاقہ تیٹ فیرنگ و ایلو تدینی تیٹی اِرا بندغ کسکر۔
رسینگوک حوال تا رد ئٹ تمپ کلبر نا مَشی آ علاقہ لگورانی شیپ آن لیویز اسہ جون ئس خنانے۔
لیویز نا پاننگ ءِ جون اشرف دادین سکنہ گوردانک بلیدہ نا پنٹ چائنگانے، کہوکا نا عمر پنجا سال آن زیات ءِ ہرانا بدن آ سم تا ٹک ارے۔
لیویز جون ءِ دوئی کریسہ سر و سوج بناء کرینے، داسکان جون ئنا رد ئٹ گیشتر حوال رسینگتنے۔
اندن ایلو پارہ آن کیچ نا بنجائی علاقہ تربت ٹی سم کاری نا ویل اٹی اسہ بندغ ئس بیران مسونے۔
گیشتر حوال تا رد ئٹ کیچ نا بنجائی علاقہ تربت شے تگر نا ہند آ نادرست سلاء بند بندغ ئس سم کاری کریسہ یاسین پنی ءُ بندغ اسے کسفینے۔
دا بندغ نا رد ئٹ پاننگ ءُ کہ او پاکستان نیشنل پارٹی (عوامی) نا ہندی راہشون و تدوکا اپوزیشن راہشون ضلع کونسل خلیل احمد کٹور و تدوکا یوسی ناظم گہنہ غفور احمد کٹور نا ہیڑ ئنا چُنا ءِ، خون ئنا سوب آک دائسکان سما تمتنو۔