بلوچستان نا علاقہ کیچ تربت ٹی سم کاری آن بلوچ زالبول اینکر شاہینہ شاہین کسفنگا۔
ہسپتال نا بندغ آتا پاننگ ءِ کہ نادرست بندغ آتا پارہ غان شاہینہ شاہین ءِ ٹپی حالیت ٹی ہسپتال آ رسیفنگا۔ ہراڈے او علاج کننگ آن مست بیران مس۔
ہسپتال والاتا پاننگ ءِ کہ شاہینہ شاہین ءِ اِرا سم لگانے و خلننگ ناتا سوب سما اف۔
مونی خبر نا ردئٹ کہ ہرا بندغ گاڑی ٹی شاہینہ شاہین ءِ ہسپتال آ رسیفے او تینا گاڑی ہلانے جند تا نرّانے و پولیس گاڑی ءِ تینا کوزہ ٹی کرینے۔
یاتی مرے کذیت کروکا شاہینہ شاہین پی ٹی وی ٹی اینکر ام مسونے۔ اسے بلوچی میگزین “دزگہار“ نا ایڈیٹر ام اس۔ او بلوچستان یونیورسٹی آن فائن آرٹس ڈیپارٹمنٹ آ خواناسس۔ اندا سوب آن او عکس کشی ام کریکہ۔