بے سبب با سبب قضا چِکّا
ہر ودی ءِ ولے فنا چکا
دیر خوش ءِ کہ قید زندان اٹ
یوسف ءِ دیر بے رضا چکا
وخت یک ڈول کس ٸنا سلپک
بس سزا نہ سدا جزا چکا
داڑے غُٹ مطلب اٹ گرفتار ءُ
مہر ءُ الفت نہ کہ وفا چکا
چِکّتو چِکتّو اسل خوشی
دڑد چکا ءُ بس انا چکا
گی مرینگوک در پدر ورناک
نشہ نا ظالم آ وبا چکّا
ڈے ٸنا او ادب نا مس استار
بلسم ءِ لمّہ نا دعا چکّا
زیبا بلسم
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔