حوال آتا ردئٹ بلوچستان نا ضلع پنجگور ئٹ نا درست بندغ آک نشہ بہا کروک ہند ئسے آ چغلی بمب اس خسانو۔
جلہو خدابادان نا علاقہ سراوان ٹی شبیر پنی نشہ بہا کروک نا ہند آ کننگا۔ ہراڑے موٹر سیکل آ سوار نادرست بندغ آک چغلی بمب ءِ خسار ءُ ہنار۔
تراک تیوی علاقہ ئٹ بِننگا واہم تراک آن ہچو جانی نسخان ئسے نا حوال رسینگتنے۔
ہندی مخلوق نا پاننگ ءِ کہ پنجگور ئٹ دا نشہ بہا کننگ نا بھلو ہند ئسے ہراڑے چنکا بھلا نشہ غاک بہا مریرہ و مُر علاقہ آتیان مخلوق داڑے نشہ ہلنگ کن بریک۔