کرونا دین ئنا سوب پنچ تُوہ ان و بر بند مننگ آن گڈ چینی مخلوق کراچی آن دالبندین آ سر مس۔
جمعہ نا دے پی آئی اے، اے ٹی آر نا خصوصی جاز ئٹ 43 چینیک دالبندین آ سرمسر، اندن سیندک پروجیکٹ ئٹ کاریم کروک پین 37 چینی کراچی کن سر ہلکر ہرافک مُستی چین آ ہنور۔
یاتی مرے کرونا دین ئنا سوب دالبندین و سیندک کن چینی تا ان بر تدوک پنچ تُوہ آن توننگاسس ہرادے داسہ ملنگانے و اوفتیکن خصوصی جاز چلینگ ءِ۔
اندن کرونا دین آن مالو پی آئی اے نا اسہ جاز اس مسافر و چینی مخلوق کن ہناکہ ہراڑان چاغی نا مخلوق ءِ کراچی ہننگ آ بھلو آسراتی اس رسینگاکہ ولے لس مخلوق کن داسہ دا ان و بر ءِ بند کننگانے ہراڑا مخلوق ڈکیہ مننگے۔