چمن نا ایب کیب نا علاقہ رحمان کہول روڈ آن لیویز کارندہ آک سُم تیان بروے زالبول ئسے نا جون ءِ خنانو۔
رسینگوک حوال تا رد ئٹ جون ءِ چمن نا ڈی ایچ کیو سول ہسپتال آ سرکننگانے، لیویز کارندہ آتا پاننگ ءِ کسفنگ آن گُڈ ڈودار آک زالبول نا جون ءِ گیاوان ٹى خساسر، اندن زالبول خاہوت ءِ تا پٹینگ نا بناء مسونے۔
اندن پین حوال ئسے نا ردئٹ پشاور ٹی سُم کاری آن 3 بندغ بیران و چار ٹپی مسونو۔
پشاور شاہ عالم بابا ٹی مالو آن جھپ کروک نا دروست بندغ آک گاڑی آ سُم کاری کریر نرار، سُم کاری نا سوب آن اسہ خاہوت نا زالبول تو اوار مُسہ بندغ بیران و چار ٹپی مسونو۔
گیشتر حوال تا رد ئٹ جون آک ٹپی تون اوار خڑک ئنا ہسپتال آ سر کننگانو، ٹپی تے درمان کننگ ءُ۔
پولیسں نا پاننگ ءِ کہ گاڑی ٹی اسہ خاہوت نا بندغ آک سوار ئسر، بیران مروکا تا چاہنداری ارغ، زائیفہ، مار آن مسونے، شاہدی مُچ کریسہ سر و سوج ہم برجاہ ءِ۔