بلوچستان نا ضلع پنجگور ٹی عیسیٰ کہن زنگی ٹی فٹ بال کلب نا خڑک بمب تراک نا سوب آن اِرا بندغ بیران اندن ہشت بندغ ٹپی مسونو۔
مرگ نا گواچی مروکا تا چاہنداری حسین نا مار حسن جان، دل جان نا مار رحیم جان نا پن ئٹ مسونے۔
بمب تراک نا ترندی آن اِرا گاڑی بُھس مسونو، اندن ٹپی مروکا تا چاہنداری محمد یوسف نا مار علی بخش، محمد بلال نا مار اسد، کبیر احمد نا مار جلال، عبدالواجد نا مار محمود، عزیز نا مار محمد سمیر، داد محمد نا مار مراد، محمد جان نا مار زاہد، و جان نا پن ئٹ مسونے۔
پولیس نا ردئٹ تراک موٹر سائیکل اٹ تخوک مواد آتا کمک اٹ کننگانے، تراک نا بابت مُستی سر و سوج برجاء ءِ۔
علاقئی حوالکار تا ردئٹ تراک ئٹ گمانی وڑئٹ سرکار نا مخ تفی ٹی ٹہیفنگوک ڈیتھ اسکواڈ نا کارندہ غاتیا کننگا ہراٹی دیٹھ اسکواڈ چلیفوک حسین نا مار حسن خلنگانے۔
تراک نا ذمہ واری ءِ دائسکان کس ارفتنے۔