سانحہ مچھ آن گڈ بلوچستان ئٹ کانڑ پٹنگ نا پڑ بند مننگ نا خلیس ءِ، مچھ و دکی ٹی 5 سد آن زیات کولا کانڑ آک بند مسونو۔
گیشتر حوال تا رد ئٹ سانحہ مچھ آن گڈ بلوچستان ٹی کولا کانڑ نا پِڑ بد حالیت ئٹ زیمی ءِ۔ پاکستان سینٹرل مائنز لیبر فیڈریشن نا صوبائی چیئرمین محمد زمین نا پاننگ ءِ مچھ مارواڑ، انڈس، آب گم، مارگٹ تون اوار ایلو علاقہ آتیٹ ٹہفوک کولا کانڑ آک مزور مفرنگ نا سوب آن بند مسر۔
خلیس و بیم نا سوب آن 8 آن 9 ہزار مزور کاریم ءِ یلہ کرینو، کولا کانڑ آتیان راجی کوڑ ءِ ارب آ رپئی تا فائدہ مننگ ئس ولے داسا خلیس و بیم نا ماحول ٹی راجی کوڑ ءِ بھاز نسخان مننگ ءِ۔ اندا وڑ دکی ٹی ضلعی بند و بست نا پاننگ آ او جتا علاقہ آتیٹ 17 کانڑ ءِ رکھوک آسراتی مفرینگ نا سوب آن بند کرینو۔ دکی ٹی دائسکان 52 کولا کانڑ بند کننگانو۔