بلوچ لبریشن آرمی نا احوالکار جیئند بلوچ تینا اسے بیان اسیٹی کراچی نا علاقہ اورنگی ٹاؤن ٹی مروکا بم جہلو نا ذمہ واری ارفیسہ پارینے کہ ننا سرمچار آک کراچی نا علاقہ اورنگی ٹاؤن ٹی کوزہ گیر ریاست پاکستان نا فورسز رینجرز نا کارندہ غاتے ریموٹ کنٹرول بم ئٹ جہلو کریر۔
سینئر سپرینڈنٹ پولیس (ایس ایس پی) سہائی ابڑو احوالکار آتون اندا جہلو نا بابت ہیت و گپ کریسہ پارے کہ کراچی نا علاقہ اورنگی ٹاؤن ٹی رینجرز فورس آ جہلو کننگانے ہراڑان رینجرز نا کارندہ اس مرگ نا گواچی مسونے و چار بندغ ٹپی ءُ۔
مونی حوال آتا ردئٹ دا مواد آک موٹر سائیکل سے آ تفوک مسونو۔
جہلو آن پد پولیس و رینجرز نا بھلو کچ اس تدینی نا جاگہ غا رسینگانے و ٹپی مروکا بندغ تے ہسپتال آ راہی کننگانے۔
دا جہلو ٹی رینجرز نا گاڑی تون اوار اسے کار موٹر و موٹر سائیکل اسے ام نسخان رسینگانے ۔
کراچی: رینجرز آ بم جلہو، بی ایل اے ذمہ واری ارفے
الّمی خوانبو
