تربت سیول سوسائٹی نا پارہ غان تربت گرلز ماڈل سکول ئٹی “صنفی برابری و زالبول نا خود اختیاری” نا سرحال آ مجلس اس ہڈ تننگا۔ اندن تربت زون پنڈال ٹی ‘بامسار لٹریچرز’ نا بینر تون بُک اسٹال ہم ہڈ تننگا ہراٹی جتا سرحال آتیا تالان کتاب آک تخنگاسر۔
مجلس نا گچین آ مہمان آک بی ایس او نا مسکوئی چیئرمین ڈاکٹر کہور خان، بی ایس او نا مسکوئی چیئرمین ڈاکٹر تاج بلوچ، راجی نا جنرل سیکریٹری بانک کلثوم بلوچ، ڈی ایس ایف نا مسکوئی چئرمین نغمہ شیخ، تربت سیول سوسائٹی نا کنوینئر گلزار دوست و گرلز ماڈل سکول نا پرنسپل میڈم زمرد بلوچ تران کریر۔ اندن سٹیج سیکرٹری نا فرض ءِ شگراللہ بلوچ ایسری تس۔
سیمینار نا سر حال آ بھاز جوان ءُ علمی شرہ کننگا و گچین آ بشخ آتیا تاریخی و نغد کاری چمشانک شاغنگا۔ اندن سیمینار نا ٹی مسڑ خوانندہ و استاد آک و بھلو کچ اسیتون سیاسی باسک آک ہم بشخ ہلکر۔
