نیشنل پارٹی نا سیکٹریٹ اٹ بی ایس او پجار نا پارہ غان براہوئی بولی نا پنی آ شاعر پروفیسر نادر قمبرانی نا یات اٹ اسے مشاعرہ نا مجلس اس اڈ تننگا۔
دا شاعری نا محفل ٹی براہوئی، بلوچی، پشتو و اردو نا بولی شاعراک بشخ ہلیسہ تینا تینا گچین آ شاعری تے بنفیر و بنوک آتیان داد ہلکر۔
مشاعرہ نا مجلس نا اسٹیج سیکرٹری بی ایس او پجار نا بنجائی ذمہ وار ابرار برکت دوئی کریسس۔
محفل مشاعرہ ٹی نیشنل پارٹی نا راہشون ڈاکٹر عبدالمالک بلوچ، مسکوئی آ سینیٹر کبیر محمد شہی، خیر بخش بلوچ، عبدالخالق بلوچ و پین کہی پارٹی نا راہشون آک بشخ ہلکر۔