برطانوی حکومت نا کنڈان کرونا وائرس نا ودوکا کیس تا سوب آن پاکستان تون اوار بھاز آ ملک آتیا سفری پابندی خلیسہ ریڈ لسٹ ٹی اوار کرینے۔
پاکستان ٹی ہڈ تروک برطانوی ہائی کمشنر کرسچن ٹرنر مائیکرو بلاگنگ سائٹ ٹویٹر آ پک کریسہ پارے کہ برطانیہ سفری پابندی تا ریڈ لسٹ ٹی پاکستان آن بیدس کینیا، بنگلا دیش و فلپائن ءِ ہم اوار کرینے۔
اندن رپورٹ نا رد ئٹ سفری پابندی تا ریڈ لسٹ ٹی اوار ملک آتیان بیرہ برطانوی و آئرش شاری تے ملک ٹی بننگ نا موکل مرو، ریڈ لسٹ ٹی اوار ملک آتیان برطانیہ آ بروک برطانوی شاری تے 10 دے اکن قرنطینہ کروئی تمو۔
اسکائی نیوز نا رد ئٹ ریڈ لسٹ ٹی اوار ملک آتون برطانیہ آ بروک آتیا پابندی 9 اپریل آن لگو۔