پیرس: فرانسیسی صدر مسہ ہفتہ کن اسکول و ملک ئنا تہٹی جہاز آتا ہند و بر ءِ بند کننگ نا پڑو ءِ کرینے۔
فرانس نا صدر ایمانیول میکخواں کورونا وائرس نا ودوکا کیس آتا سوب آن ملک ئٹ مسہ ہفتہ کن اسکول و ملک ئنا تہٹی جہاز آتا ہن و بر ءِ بند کننگ نا پڑو ءِ کریسہ پارے کہ اگہ نن داسا گام ہرفتون گڑا حالیت ءِ دوٹی ہلنگ کپرون۔
فرانس نا صدر ایمانیول میکخواں پارے کہ دا جہانی دین ترندی تون ودنگ ءِ دا سوب آن نن اسکول تے بند کننگ اُن، اندن شام ئنا 7 آن سہب ئنا 6 اسکان ملک ئٹ کرفیو و ایلو پابندیک برجاء مرور۔
یاتی مرے فرانس ئٹ کورونا وائرس نا سوب آن داسکان 95 ہزار آن گیش بندغ مرگ ئنا گواچی مسونو اندن ایلو شار تیٹی سخت لاک ڈاون مننگ ءِ۔