وچستان نا علاقہ سبی، و دالبندین ٹی جتا ویل آتیٹ مسہ بندغ مرگ نا گواچی، و 3 ٹپی مسونو۔
رسینگوک حوال تا رد ئٹ سبی بختیار آباد نا خڑک بھلا روڈ آ ٹوڈی کار ترند ہننگ نا سوب آن کلٹی مس، ٹوڈی کار نا کلٹی مننگ نا سوب آن ارا بندغ مرگ نا گواچی اندن مسہ بندغ بھاز ٹپی مسونو۔
ویل ئنا حوال رسینگتون ایدھی ایمبولینس و لیویز فورس ہند آ سر مسر جون و ٹپی تے سول ہسپتال آ سر کریر، مرگ نا گواچی مروکا بندغ آتیٹ اسہ چنکو چناس ہم اوار ءِ۔
اندن مرگ نا گواچی مروکا بندغ آتا چاہنداری محسن علی و یوسف نا پن ئٹ مسونو، اندن ٹپی مروکا بندغ آتا چاہنداری کلیم الله، ذاکر و راشد علی نا پن ئٹ مسونو۔ ٹپی آ بندغ آتا حالیت خلیس ٹی پاننگک۔
اندن سول ہسپتال ٹی دوا درمان کننگ آن گڈ کوئٹہ کن رادہ کننگار، ٹوڈی کار جیکب آباد آن کوئٹہ نا کنڈان ہننگ مسوسس کہ ویل ٹائر ترخنگ نا سوب آن مسوسس۔
تدوکا دے بلوچستان نا علاقہ دالبندین ٹی پیشوک ڈیم ٹی ورنا اس تمیسہ مرگ نا گواچی مس۔
گیشتر حوال تا رد ئٹ ورنا فٹبالر محمد فاروق پیشوک ڈیم ٹی تمیسہ مرگ نا گواچی مس پین سر و سوج ہندی بند و بست کننگ ءِ۔