حوال تا رد ئٹ بلوچستان نا علاقہ نال ئٹی پرائیس کنٹرول کمیٹی غیر فعال مننگ نا سوب آن شار ئٹی تینا است آن جوڑ کروک کبینی نا راج مخلوق ءِ ہچو سوج کروک اس اف چیک اینڈبیلنس نا بست و بند مفرنگ شار ئٹی تینا است ئنا نرخ آتیٹ کننگ نا گڑاتے مخلوق ءِ رسینگ ءِ۔
گیشتر حوال تا رد ئٹ نال بازار ٹی ٹریفک پولیس مفرنگ نا سوب آن ٹریفک جام مننگ ہڑدے ئی ویل اس جوڑ مسونے مخلوق نا پاننگ ءِ کہ نال بازار ٹی پرائیس کنٹرول کمیٹی نا پن ہم اف ہر اسٹ تینا است ئنا نرخ جوڑ کریسہ مخلوق ءِ لُٹ و پل کننگ ءُ۔
سبزی، سو، میوہ، بارن میوہ و مچی غریب بندغ نا دو آن پیشن ءُ، اندن جانجوڑی نا برخلاف گڑا تے سودا کننگ نا ہم پاش موکل تننگانے۔
اندن ایلو پارہ غان حکومت نا کنڈان ہر دے کننگ نا گڑا تا نرخ آتیٹ ودکی کننگک و ایلو پارہ غان کاروبار کروک آتا تینے آن جوڑ کروک کبینی لس مخلوق نا مخ ءِ پرغانے۔ بست و بند نا پارہ غان تروک نرخنامہ ءِ بھس کریسہ ہر اسٹ گڑا تے تینے آن ودفنگ ءِ