پنجگور ٹی گیسٹرو دین تالان مننگ آن چار چُنا بیران اندن کہی بندغ آک زیمی مسنو۔ پنجگور و ایب کیب ئٹ دین تُرندی ئٹ تالان مننگءِ۔ زیمی بندغ آک وے آسراتی تا سوب آن بھاز فریشانی تا گواچی ءُ دین آن بچنگ کِن اسپتال آتیٹ دارو تا کمبوتی ءِ۔
گیسٹرو دین نا سوب آن ناجوڑ آتا حساب ٹی دے پہ دے ودکی مننگ ءِ اسپتال آتیٹ دارو تا ہم کمبوتی ءِ، رینگرز ڈرپ ہم علاقہ ٹی رسینگاف، مُر مُر نا علاقہ آتیٹ ہم گیسٹرو تالان مننگ نا حوال ارے۔
ہندی مخلوق غاو کرینے کہ پنجگور ٹی وار وار ئنا پِر و محکمہ جانجوڑی نا پارہ غان حفاظتی گام ہرفپننگ نا سوب آن پنجگور ٹیگیسٹرو نا دین تالان مننگ ءِ اسپتال آتیٹ جاگہ اف دے دے نا سد آ ناجوڑ آک ٹیچنگ اسپتال و گیشتر پرائیوٹ کلینک آتیا کارہ واہمٹیچنگ اسپتال ٹی ناجوار آتا بھازی آن رینگرز ڈرپ آک ہم ایسر مننگ ءُ۔
دارو تا وے رسینگنگ نا سوب آن شاری تا فریشانی ٹی ودکی مننگ ءِ ۔ ٹیچنگ اسپتال پنجگور نا ڈاکٹر آتا پاننگ ءِ کہ دارو تا بارو ئٹمحکمہ بُڑز نا افسر تے پاننگانے کہ حالیت سخت ءِ اخس کہ مڈی ننتون ساڑی ءُ افتے نن کاریم ئٹ ہتِنگ اُن۔
پنجگور اسپتال نا بست و بند گیسٹرو دین آن چار چُنا نا کہنگ نا پک کرینے۔ بست و بند نا ردئٹ ہڑدے سد آن بُڑز گیسٹرو آن زیمیچُناتے اسپتال آ ہتنگ مریک ننتون رینگرز و اینٹی بائیوٹک دارو ساڑی اف بیمار تا خاہوت آک مارکیٹ آن دا دارو تے ہلِنگ آ بیوس ءُ۔