پاکستان نا صوبہ سندھ نا دارالحکومت کراچی آن پولیس بلوچ آزاتی سلاءبند تنظیم آن تعلق تخوک اسہ بندغ ءِ دزگیر کننگ نا دعویٰ کننگانے۔
پولیس نا ردئٹ کراچی نا علاقہ کیماڑی پولیس کاروائی کریسہ بلوچ سلاء بند آزاتی دوست تنظیم بلوچستان لبریشن فرنٹ (بی ایل ایف) نا کاریم کروک باسک شفیع محمد ءِ سلاء و بمب آتون اوار دزگیر کننگا۔
ایس ایس پی کیماڑی نا دعویٰ ءِ کہ دزگیر کروک بندغ کراچی و بلوچستان ٹی سیکورٹی فورسز کارندہ آتیا جلہو ٹی تفوک ءِ اندن او تینا ایلو سنگت آتیتون اوار سعید آباد ٹی پولیس تیا جلہو نا ہم منانے ۔
ایس ایس پی نا گیشتر پاننگ ئس کہ ڈوہدار تینا جِدمادر ایلم نا سرپرستی ٹی تنظیم ٹی آسراتی نا کاریم کننگ ئس اندن گیشتر پٹ و پول برجاء ءِ۔