بلوچستان نا دارالحکومت کوئٹہ آن زوراکی ئٹ بیگواہ کروک حافظ علی احمد ہشت سال تدینگ آن گُڈ ہم آجو کننگتو۔ خاہوت آجو کننگنا خواست ءِ کرے ۔
زوراکی ئٹ بیگواہ حافظ علی احمد حاجی محمد زکم مینگل نا خاہوت نا پاننگ ئس کہ ہشت سال آن حافظ علی احمد نا کسر اُروک اُنولے کوالخواہ نا پارہ غان دائسکان اونا آجو مننگ کِن ہچو گام ارفِنگتنے ۔
خاہوت نا پاننگ ئس کہ حافظ علی احمد مینگل سکنہ قادر آباد ، نوشکی ءِ شش فروری 2015 آ پاکستانی فورسز کارندہ و ڈھکوکادارہ نا کارندہ آک سیٹلائیٹ ٹاؤن کوئٹہ آن دزگیر کریسہ نا درست ہند آ دننگا ہراڑان گُڈ اونا باروٹ اسہ وڑ نا ہم حوال ئس رسینگتنے ۔
خاہوت نا پاننگ ئس کہ حافظ علی احمد آ اگہ اسہ وڑ نا دوبہ ارے گڑا اودے عدالت آ ہتریر ولے دا وڑ قانود آن بیدس و بندغی حق آتیٹاسہ بندغ ئسے بیگواہ کننگ اسہ چاگڑد ٹی مننگپک ۔
خاہوت بلوچستان نا سیاسی و راجی حلقہ آتان حافظ علی احمد نا آجو کننگ کِن توار ارفِنگ نا خواست کننگانے ۔