کوئٹہ: محمد رحیم و اونا زائیفہ دائسکان بیگواہ، لُمہ و چناک یلہ

الّمی خوانبو

بلوچستان نا بنجائی شار کوئٹہ آن زوراکی ئٹ بیگواہ محمد رحیم زہری نا لُمہ و چنک سن چناک یلہ مسر اندن او تینا زائیفہ تون اواردائسکان بیگواہ ءِ۔

حوالکار آک پک کریسہ ٹی بی پی ءِ پاریر کہ دزگیری آن گڈ بیگواہ مروک محمد رحیم زہری نا لُمہ بس خاتون، اِرا چنک سن ءُ چنا دعازہری و یحیٰ زہری یلہ مسر۔ اندن محمد رحیم زہری و اونا زائیفہ رشیدہ زہری دائسکان بیگواہ ءُ۔

خیال ئٹ مرے پن کروک بندغ آتے 3 فروری آ گشکوری ٹاؤن، ناشناس کالونی آن سرچ آپریشن نا وخت دزگیر کننگ آن گڈ بیگواہ کننگاہراڑان گڈ اوفتا بابت ہچ وڑ ئنا معلومداری رسینگتنے۔

رحیم زہری و اونا خاہوت نا بندغ آتے دزگیر و بیگواہ کننگ آ جتاء فکر اتون تعلقداری تخوک بندغ آک حکومت آک نغدکاری کننگ ءُ۔

بلوچ یکجہتی کمیٹی نا راہشون ماہ رنگ بلوچ دا بابت پارینے کہ بلوچستان ئٹ جمہوری قانود آخہ تو جنگی قانود ٹہیفبو، بلوچ زالبول وچناک ہم ریاستی بے دادی آن رکھوک افس۔ کوئٹہ آن محمد رحیم زہری ءِ اونا خاہوت نا پنچ بندغ تون اوار زوراکی ئٹ بیگواہ کننگانے،ہرافتیٹ اونا اسہ سالی مسڑ دعا، چار سالی مار یحیٰ، اونا زائیفہ رشیدہ و لُمہ بس خاتون اوار ءُ۔

شفیق ایڈووکیٹ نوشتہ کرے کہ مشرف کسک ولے ساڑی آ جرنیل آک اونا پالیسی ءِ برجاء تخانو و کوئٹہ آن محمد رحیم زہری ءِ اونا اسہسالی مسڑ دعا، چار سالی مار یحیٰ، اونا زائیفہ و لُمہ تون اوار برمتہ کننگانے۔ عاصم منیر دیخہ ننگ، دیخہ لج؟

پُوسکنا حوالک

پانک ئنا مئی 2025 ئنا رپورٹ: پاکستانی لشکر 27 بندغ ءِ بیدس عدالت کھسفے، 128 ءِ زوراکی ئٹ بیگواہ کرے

بلوچ نیشنل موومنٹ (بی این ایم) نا بندغی حق آتا ادارہ تینا مئی 2025 ئنا رپورٹ ءِ شنگ کرینے،...