حوال تا رد ئٹ بلوچستان نا ضلع مستونگ و کیچ ئٹ سم کاری نا تدینی تیٹ اسہ بندغ اس مرگ ئنا گواچی و اسٹ ٹپی مسونے۔
گیشتر حوال تا رد ئٹ مستونگ ٹی سلاء بند بندغ آک سم کاری کریسہ شیخ عبدالباقی پنی ءُ بندغ ئسے مرگ ئنا گواچی کریسہ نرّار۔حوال تا رد ئٹ سم کاری نا تدینی ہمو وخت مس ہرا وخت شیخ عبدالباقی تینا شفاخانہ آ ہننگ ہسک۔
اندن ایلو پارہ غان کیچ نا علاقہ دشت سورک ٹی نادرست سلاء بند بندغ آک تدوکا شام سم کاری کریسہ ثناء اللہ پنی ءُ بندغ ئسے ٹپیکریر پن کروک بندغ سخت ٹپی آ حالیت ئٹ تربت آ رادہ کننگا۔
ٹپی مروک بندغ نا بابت علاقائی حوال تا رد ئٹ اونا تعلق مست بلوچ سلاء بند تنظیم آتون اس ہرا اوکان گڈ فورسز نا مونا سلاء بٹےسس، داسکان ویل ئنا سوب آک سما تمتنو۔