ڈیرہ اللہ یار ٹی زالبول ڈاکٹر نا’ گمانی بے پامی نا سوب آن چنا خننگ نا وخت آ زالبول مرگ ئنا گواچی مس۔ گیشتر حوال تا رد ئٹ ہندی سوداگر خالد جتوئی تینا زائیفہ ءِ چنا خننگ کن ذاتی کلینک آ درے ہراڑے زالبول نا چنا ءِ ودی کرفینگ نا وخت لیڈی ڈاکٹر گمانی وڑ ئٹ بے پامی کرے ہرانا سوب آن زالبول مرگ ئنا گواچی مس۔
سوداگر خالد جتوئی نا پاننگ ءِ کہ لیڈی ڈاکٹر نن تون بے دادی کرینے، چنا نا ودی مننگ آن گڈ داسا چنا نا حالیت ہم خلیس ٹی ءِ ہرا پین دراخی کن سکھر آ دننگانے۔
او پارے بڑز کوالخوا تیان خواست ءِ کہ لیڈی ڈاکٹر نا بر خلاف قانودی کارروائی کیر اندن ودی کننگ نا بابت پاکستان ٹی چنا خننگ نا وخت مرگ ئنا کچ آک تیوہ آتیان زیات بلوچستان ٹی مننگ ءِ ہراڑے اسہ لکھ چنا خننگ نا وختا ۲۹۸ لمہ مرگ ئنا گواچی مسونو۔
یاتی مرے کہ بلوچستان ٹی جانجوڑی نا شعبہ آ ہر سال تقریبا 50 ارب رپئی آن زیات خڑچ مننگ آن بیدس 2019-20 ٹی بلوچستان نا 28 ٹی 17 اضلاع ئٹ جانجوڑی نا گڑا تے تیوہ آتیان خراب پارنو۔