بلوچستان نا بنجائی شار کوئٹہ نا سریاب لائبریری ٹی اسہ ٹولی اس لٹ آتون اوار پیہا۔ لائبریری نا تہٹی گڑا تے پرغیسہ لائبریری ٹی ساڑی عملہ و خواننگ کن بروک خوانندہ تے بے دادی نا گواچی کرے۔
بے دادی نا گواچی مروک اسہ خوانندہ ئسے نا پاننگ ئس کہ اسہ ٹولی اس لوڑ کاریز سریاب لائبریری ٹی لٹ آتون اوار پیہسہ ننا سنگت آتے بھاز بے دادی نا گواچی کرے ہراڑان اوڑے ساڑی خوانندہ و لائبریری نا عملہ ٹپی مس۔
ٹپی آ خوانندہ نا پاننگ ئس کہ لائبریری ٹی پیہوک ٹولی ننے لائبریری ءِ بند کننگ و سریاب ادبی مجلس ءِ اڈ تفننگ نا پارے و دن کپننگ آ ترند نتیجہ تا تڑی تس۔
واہم تدینی نا بابت سریاب پولیس بست و بند نا کنڈ آن ہچو شابیتی حوال اس مونا بتنے۔
سریاب لائبریری نا بست و بند و خوانندہ غاک پارینو کہ سریاب ئٹ ساڑی اسٹ انگا لائبریری آ جلہو تعلیم دژمن چم ئسے ہندی بست و بند تدینی ٹی اوار مروک بندغ آتا بر خلاف زو قانودی کاروائی کے۔