دستار بولان ءِ – شاعر: دیدگ

الّمی خوانبو

وطن نا طُرئے چلتن اونا دستار بولان ءِ

مُریدی آ کُڑمب آ جوزہ او کڑدار بولان ءِ

قُطب نا پارہ غان اونا مزارے شہید غازی تا

گِروشخ اِتیک ننا تو بخت نا استار بولان ءِ

فتح نا یاد گاری کو اونا ہر چُر جل تیٹی

کنے دوست کنا ساہ آن کنا دلدار بولان ءِ

مجیدی آ ارے سیخا پودینا ہند اسلم نا

ہتم نا گواڑخاتا بیرف مبو ہار بولانءِ

رہیس و رازق و سلمان ازل آجوئی پہچان

کچاری زیبدار آ ہر دو چار آ یار بولان ءِ

مُقدس آ ارے جاگہ مُرید و چاکر آنُل نا

ننا مُرشد ولی تو کاملا دربار بولان ءِ

ہلینہ نن سبخ  دیدگ تینا راشون آ دلبر کن

تِخینہ جُہد ء برجا نن  ننا درکار بولان ءِ

شاعردیدگ بلوچ

پُوسکنا حوالک

خضدار: زوراکی ئٹ بیگواہ کننگوک عبدالوہاب قلندرانی نا لمّہ کذیت کرے

اسہ سال ئس مُست پاکستانی لشکر نا دو آن زوراکی ئٹ بیگواہ کننگوک ورنا عبدالوہاب قلندرانی نا لمّہ کذیت...