بلوچستان نا علاقہ چمن و ایب کیب ئٹ زمی جمب نا ترند چنڈیک مارنگار اندن زمی جمب نا سوب اُرا نا چھت تمنگ آن مُسہ چنا مرگئنا گواچی مسر۔
لیویز نا رد ئٹ زمی جمب نا سوب بائی پاس آن خڑک بلالزئی ٹی اُرا نا چھت تمنگ آن مُسہ چنا مرگ ئنا گواچی مسر۔ اُرا نا تموک مِشتیٹ ڈم ہلنگ آن زالبول تون اوار 5 چنا ہم ٹپی مسر۔
یاتی مرے کہ درو چمن ئٹ 3.6 نا ترندی ئٹ زمی جمب مسوسس۔ زمی جمب کچ کروک بنجا نا رد ئٹ زمی جمب نا مرکز کوئٹہ آن 50 کلو میٹر قطب دے کہی ٹی ئس۔
اسسٹنٹ کمشنر نوید عالم نا پاننگ ءِ کہ دیخہ زمی جمب مس ولے کچہ غا اُراک رہینگ نا لائخ الور۔