5000 دے: وی بی ایم پی نا انصاف نا پٹ و پول

الّمی خوانبو

5000 دے: وی بی ایم پی نا انصاف نا پٹ و پول

ٹی بی پی  تیدری

زارین بلوچ

بلوچ بیگواہ مخلوق کن انصاف نا خواست کننگ کن دئے سال آن زیات پُر عزم باسک آتا اسہ کُڑدہ اس بلوچستان نا بنجا کوئٹہ نا ترندباسنی و سُو تڑوک یخ تون مون تننگے۔ دا بندغ آک ہرافک وائس فار بلوچ مسنگ پرسنز (وی بی ایم پی) ءِ ٹہیفیر، ہرا حق آتیکن کاریمکروک اسہ کُڑدہ (ٹولی) ئسے۔ اوفک راستکی نا پٹ و پول ئٹ خیال آتیان پیشن سختی تیتون مون تسر۔ جسمانی ڈول ئٹ جلہو کننگ وبھیم تننگ آن ہلیس بیدس قانوی دزگیری و بے دادی تے سگنگ اسکان، وی بی ایم پی نا باسک آک دا تیوہ غاتے خنار ولے دا ڈول ناسختی تیان بیدس ہم اوفک لپڑزہ متور۔ ہفتہ، یکم اپریل آ وی بی ایم پی نا امن ایمنی برانز ءِ 5000 دے پورو مس۔

کوئٹہ ئٹ وی بی ایم پی نا برانزی کیمپ ئٹ، کہی خاہوت آک ہڑ دے اسہ اوار ءُ مسخت اسیتون اوار مریرہ۔ اوفتیٹ پیرانگا لمہ غاک تینامڷ آتے پٹنگ ءُ، ہیڑک تینا بے ڈس ایلم تا پٹ و پول ئٹی ءُ، زائیفہ غاک تینا اَرغ تیکن بے جارات ءُ و مسڑک تینا باوہ غاتے پَٹنگ ءُ۔ کیمپئنا خیمہ نا باہوٹ ئٹ، او اسٹ ایلو نا ہمرئی تون جارات خنیرہ، دا چاہسہ کہ اوفک تینا جدوجہد ئٹ تنیا افس۔ واہم اوفک تینا مخلوق ناواپسی کن جنگ تننگو، امیت ہمو گڑا ءِ ہرا اوفتے پُر عزم تخک۔ ہڑ دے، او دا امیت تون سما کیرہ کہ حالیت آک جتا مرور، ولے برجاء، دےڈُب ہلنگ آن گڈ اسیکہ وا بے سہب آ اُست ئتون و کُٹئی تون واپس مریرہ۔ بے بختی آن، بھازا بندغ آک دا امیت تون دا کوڑی ءِ یلہ کریرہرا اوفتا تہٹی دائسکان خاخر آنبار لگنگ ءِ۔

ہڑدے، وی بی ایم پی برانزی کیمپ ئٹ خاہوت آک بیدس قانودی ڈول نظر بند تینا بندغ آتیتون ہمدلی کن علامتی بین ہڑتال کیرہ۔ سہب آننیمروچ اسکان، او گڑاس کننگ آن بیدس ٹینٹ ئٹ تولوک مریرہ، ہرا ہمو بھیم بش کروک حالیت آتا درشانی کیک ہرافتیتون اوفتا بندغ آکزندان تیٹ مون پہ مون مریرہ، ہراڑے اوفتے بیدس اسہ دوبہ یا مقدمہ ئسے آن تخنگک۔ تینا کُننگ ءِ ندر کریسہ، خاہوت آک بلوچ بیگواہ تابد حالیت نا بابت شعور بیدار کننگ نا کوشست کننگو۔

وائس فار بلوچ مسنگ پرسنز نا بناء نا ڈس 2001 آن خلنگ مریک ہراتم علی اصغر بنگلزئی پنی ءُ درزی ئسے فورسز ارٹمیکو وار دزگیرکریسس۔ اودے بیست سال آن زیات وخت گدرینگانے، ولے او دائسکان اُرا غا واپس بننگ کتئو۔ واہم، اکتوبر 2009 آ مسہ باسک، ماماقدیر بلوچ، نصراللہ بلوچ و فرزانہ مجید وی بی ایم پی نا بنداو ءِ تخار۔ اوفتا ایمنی برانز نا بناء کوئٹہ پریس کلب نا پیشن عارضی کیمپخلنگ آن مس، ہراٹی بیگواہ بندغ تا رکھوک واپسی نا خواست کننگا۔ اوفتا توار ءِ ایسر کننگ کن بھاز وار کوشست آتیان بیدس ہم ویبی ایم پی نا بیگواہ بندغ تا خاہوت آتا وکالت و دا ویل ئنا پارہ غا جہانی پام ءِ کننگ نا کوشست ئٹ کمبوتی بتئو۔

بلوچ بیگواہ بندغ تا خاہوت آک وی بی ایم پی نا پرامن جہد ٹی مُخ ئنا ہڈ نا ہند تخیرہ۔ علی اصغر بنگلزئی نا بیگواہ کننگ ءِ ارا دہائیآن زیات وخت گدرینگانے ، ولے اونا خاہوت دائسکان اونا سلامتی ئٹ بننگ نا امیت آتے تخانے۔ او دائسکان کوئٹہ و گیشتر ہند آتیا مروکبرانز و تولوک برانز آتیٹ خننگیرہ ، ہرافک مالو پلے کارڈ دوئٹ ارفیسہ اونا سلامتی ئٹ پدا بننگ نا خواست کننگ ءُ  ۔ اونا مار ، فاروقبنگلزئی تینا بالغ زند نا کیہی بشخ تینا باوہ تون گدریفینے ۔ ارا والاک تینا حالیت زار نا پارہ غا پام کننگ کن منہ پریس کانفرنس و برانزکریر، و انصاف نا پٹنگ ئٹ بیگواہ بندغ کمیشن آن ہلیس کہ سپریم کورٹ آف پاکستان اسکان ہر دروازہ آ ہنار ولے اوفتا خواست آ کاٹمءِ بوڈ اس ہم کنتئو۔ ارا والاک بنگلزئی نازوراکی ئٹ بیگواہیءِ پاش کننگ کن مروک غٹ شاہدی تے عدالت آتے تننگانے، ولے ہر وار ،اوفتا امیت آتے لغت تننگا انتئے کہبھلا منفنگ آکعدالت آتیٹ کیس ٹی ہُرے کننگ کن زور تخیسہ معاملہ ءِ  گیشتر سخت جوڑ کننگا۔

سمی و مہلب نا حالیت ہم انداخس سخت ءِ۔ اوفتا باوہ ڈاکٹر دین محمد بلوچ ءِ 2009 ٹی پاکستانی فورسز کارندہ آک ارفیسر۔ ہڑتمکاہیڑک او وخت اسکان چنا ئسر، ہراتم اوفتا باوہ بیگواہ کننگا: سمی نا سن دہ سال نا کچ ئس و مہلب ہشت سال ناس ئسک۔ ہڑتمکاہیڑک ہمے وخت آن دائسکان باوہ نا سلامتی ئٹ پدا بننگ کن مہم چلفنگ ءُ۔ 2013 ٹی ” 2014 آن 15 سالی سمی بلوچ بیگواہ بندغآتون گیشتر تولوک برانز آتیٹ اوار ئس، ہرا فتیان حالیت زار نا پارہ غا پام کننگ کن کوئٹہ آن اسلام آباد اسکان 3000 کلو میٹر ناتاریخی لانگ مارچ ئس کریر۔ اوفک اقوام متحدہ و یورپی بین الاقوامی حق آتا ٹولی تیان خواست کریر، بیگواہ بندغ آتا کمیشن نا رہی آہنار، بلوچستان ہائی کورٹ و سپریم کورٹ نا دروازہ ءِ  ٹھکیفیر، و برانز و بین برانز نا راہشونی کریر، ولے اسہ سواد ئس ہم رسینگتو۔اوفک ہمو وخت نا وزیراعظم پاکستان عمران خان و بندغی حق آتا وزیر شیریں مزاری تون اوڑدئی کریر ہرافک ذاتی وڑ ئٹ اوتے یخینتسر کہ غٹ بیگواہ بلوچ بندغ آتے سلامتی ئٹ پدا اوفتا اراتیا رسیفون۔ دا سوغند آک نیمہ مسر سلیسر۔

تینا باوہ نا بیگواہ کننگ نا سینزدہ سال آن گڈ، داسا ورنا ءُ مسڑ ءُ، او تپسہ کہ نن چھوری اُن یا افن، اوفتا لمہ ءِ  یخین اف کہ او برامیءِ یا بے برامی۔ اوفتا زند اوفتا باوہ نا بیگواہی نا سوب ٹی بدل مس۔ ہمر کہ سمی نوشت کرے: “ہرا دےڈاکٹر دین محمدبیگواہ کننگا۔ نن اسہ ارا ئس گم کرین، ہرا وخت ئس پر امن ئسک۔ خوشی و جشن، ننا چنکی، نن لمہ نا اسہ مار، زائیفہ نا ارغ و مسہ چنا نا باوہ ءِ  گم کرین۔ ہراتم آن بیگواہ کننگا گڑا ننا تیوہ زند سخت مس۔ ننا خاہوت عذاب ئٹ ئسک۔ ننا بیمار لمہ اونا اواری و خڑکی آن بیدس ننےسھامبا۔ او کل بے ڈس مسر ہرافک وخت ئس ننتون تفوک ئسر۔

تومکا ہیڑک دا جہد ئٹ یکہ افس بلکہ اوفتیان بارو پین ہم ارے۔ 2016 ٹی بیگواہ مروک خوانندہ سروک شبیر بلوچ نا ہیڑ سیما بلوچ ارے،ذاکر مجید نا لمّہ ارے، ہرا 2009 ئٹی بیگواہ مسس و داسکان اُراغا بتنے۔ اونا ہیڑ فرزانہ مجید ہرا وی بی ایم پی نا بنداو ءِ تخوکا تیاناسٹ ءِ۔ بیگواہ راشد حسین بلوچ نا پیر انگا لمّہ باس خاتون ارے، ہرادے 2018 ٹی اماراتی فورسز آک بیگواہ کریسہ بے قانودی پاکستانآ گدرینگا۔ ورنا علی حیدر ارے، ہرا نا سن ہشت سال ئس ہرا وخت اونا باوہ 2010 ٹی بیگواہ کننگا، و ہرا وخت او 11 سال ناس ئس، اوتینا باوہ نا آجو مننگ کن کوئٹہ آن اسلام آباد اسکان کم آن کم 1200 میل نا پند خلک۔ او تینا باوہ نا آجوئی کن برانز کریسہ وی بیایم پی کیمپ ئٹ بھلن مس ولے تینا باوہ نا آجوئی نا جاگہ غا ورنا علی حیدر تینٹ بیگواہ کننگا۔

وی بی ایم پی نا باسک آتے بلوچستان ئٹ زوراکی ئٹ بیگواہی تا برخلاف تینا پرامن برانز ئٹ کیہی چیلنج آتون مون تروئی تمانے۔ اوفتےجلہو، بےقانودی دزگیری، لٹ کُٹ وسیکیورٹی فورسز آتا شیف آ کاریم کروکا ریاستی کوالخواہ وملیشیاتا دڑکو تون ہم مون تروئیتمانے۔ دا ہڑاند آتیان بیدس، وی بی ایم پی نا باسک آک بیگواہ غا بندغ و اوفتا خاہوت آتیکن انصاف نا خواست کریسہ تینا پرامن برانزو وکالتی سفر ءِ برجاء تخانو۔

2022 ٹی اسہ برانز ئسے نا وختا، بیگواہ غا بندغ تا خاہوت آتیا پولیس و سیکیورٹی لشکر جلہو کرے۔ اوفتیا لٹ کُٹ کریر، بھیم تسر،پولیس وین ئٹ شاغار، و جیل آ دریر۔ ہمو وخت ئنا ہیت ءِ کریسہ سمی دین بلوچ نوشتہ کرے کہ: اودے و ایلو باسک آتے چپلہ خلکر وکسر تیا گِر تسر۔ اوفتا فون تے پُلار، اوفتا چادر آتے اوفتا کاٹُم تیان چکار۔ اسہ وار ہرا وخت اوفتا کاٹم تیان گُد ءِ چکار تو پولیس افسراس ملنڈ کریسہ پارے: “اسہ وار دافتا شلوار تے ہم چکیبو، گُڑا دا برانز ءِ یلہ کرور۔ اوفتےبدتمیز زالبولپاننگاکہ و دا غٹ برانز آتے پنکن کننگ نا دوبہ ئس۔نمے لگیک کہ نُما اسہ لیڈر اس ارے و کُل آن مونی ءِ۔ نن نُمے سبخ ایتون، سمی بلوچ اسہ پولیس کارندہ سے ناحوالہ ءِ تریسہ پارے۔

وی بی ایم پی نا برانزی کیمپ ءِ وار وار آ جلہو تا گواچی کننگانے۔ نادرست آ بندغک بیگواہ آ بندغ تا عکس آتے پھلار، ہراڑان غٹ خاہوتآک فریشان مسر۔ ودیک، کیمپ ئنا خیمہ، ہرا انصاف نا خواستگار آتیکن اومیت و سیوتی نا پیدواری ءِ، اودے ہُشنگا و کشیسہ خسنگا۔دا تدینیک پرامن برانز کروکا تے مون ہلوک چیلنج آتے پاش کیرہ۔

دا کُل سختی تیان بیدس، بلوچ بیگواہ بندغ تا یلہ مننگ کن وی بی ایم پی نا حوصلہ بڑز ءِ۔ اودے اخس زوراکی ئٹ شیف کننگک، اوہموخس سوگوی ئٹ پدا بش مریک۔ ٹولی نا پرامن برانز اسہ دہائی ئسے آن زیات وخت آن برجاء ءِ، اہم سختی تون مون تننگ آن بیدس،بلوچ بیگواہ بندغ تا خاہوت آک پاش کرینو کہ ہراتم اسکان اوفتا دوستخواک رکھوک یلہ متنو، او پدی مفرور۔ وی بی ایم پی تینا بیدس بےدادی جہد ئنا سوب پِنی مسونے۔

گروپ نا وکالتی جہد ئنا لڑ زوراکی نا بیگواہی تا معاملہ ءِ راجی و جہانی پامداری نا مونا ایسونے۔ وی بی ایم پی بیگواہ بندغ تا مسختکن بیداری ودی کننگ و کمک مُچ کننگ ئٹ سرسہب مسونے۔ وی بی ایم پی نا زیم میڈیا نا ودوک کوریج، السی پام و بلوچستان نا حالیتآتا جہانی جاچ ئٹ خننگ مریک۔

حکومت زوراکی نا بیگواہی تا ویل ءِ ایسر کننگ کن جوانو گام گیج کننگ ئٹ بےسہب مسونے، ہرا نا سوب آن بیگواہ بندغ تا خاہوت آتیٹبے جاراتی و نا اومیتی تالان مسونے۔ 2011 ئٹ زوراکی نا بیگواہی تیا ٹہیفوک انکوائری نا بیرہ پِن ئنا کمیشن دا ویل ءِ ایسر کننگ ئٹبےسہب مسونے۔ 2020 ئنا اسہ سخت جاچ اسیٹ، انٹرنیشنل کمیشن آف جیورسٹس (ICJ) پارے کہ کمیشن تینا کاریم ئٹتیوہبےسہبمسونے۔ گیشتر دا کہ، کمیشن بیدس اسہ جوانو سوب ئسے آن ہزار آ مقدمہ تے ایسر کرے و انصاف نا پٹنگ ئٹ اونا در آہنوک بیگواہ بندغ تا خاہوت آتا بے شرفی ءِ کرینے۔

اندن کہ وی بی ایم پی تینا پرامن برانز نا 5000 میکو دے ءِ ہڈ تننگ ءِ، دا پرامن مزاحمتی بدلی و تاغت نا یات تننگ نا چیدہ ءِ۔ وی بیایم پی نا سخت حالیت آتیٹ چھپ مننگ آن سلامت سوگوی تون نمن مننگ دیہاڑ نا سرسہب آ تحریک آتا بیدس بے دادی آ تالان مہماتآتا تران ءِ۔ بھاز آ سختی تیان بیدس ہم بندغی حق آتیکن اوفتا جہد ئٹ ہچو کمبوتی اس بفرو۔ مزاحمت نا ہمو سوگوْ آ جوزہ ہرا وی بیایم پی نا کیمپ ءِ اسہ دہائی ئسے آن زیات وخت آن ٹہیفینے و کیہی بندغ تے اوفتا انصاف نا دوئی کننگ ئٹ تحریک و صلہ ایتک۔ اندننن وی بی ایم پی نا جوان انگا سفر آ پام ایتنہ، نن بندغی حق آتا تالانی کن اونا بھلا کوشست و بلوچستان ئٹ زوراکی نا گواچی و ناسرپندار بندغ تا وکالت ءِ کننگ کن اونا بھلا خواری تے خننگ کینہ۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...