بلوچستان ٹی تعلیمی بست و بند بد ءُ دروشم اسیٹی بسونے۔ 18 لکھ چنا اسکول تیان پیشین اندن 216 اسکول بند ءُ – رپورٹ
الف اعلان نا حساب نا رد ئٹ تعلیم نا میدان ٹی بلوچستان نا ایلو صوبہ آتیان تقابلی جاچ ٹی بلوچستان تعلیم، جانجوڑی و بندغی حقآتیان بے بشخ و تیوہ آتیان پدماندہ ڈیہہ ءِ–
الف اعلان نا حساب نا رد ئٹ بلوچستان نا تیوہ آباتی ٹی 27 لکھ چنا ءِ اسکول ٹی مروئی اس ولے تیوہ آباتی ٹی بیرہ 9 لکھ چناسکول تیا کارہ اندن 18 لکھ چنا سکول تیان پیشین ءُ بلوچستان ٹی تیوہ سکول آتا کچ 12 ہزار 347 ءِ ہرافتیٹ 6 فیصد ہائی سکول ءُ–
رپورٹ نا رد ئٹ بلوچستان ٹی 76 فیصد چنا سرکاری سکول تیٹ شاغیرا تینے 19 فیصد چنا غیر سرکاری سکول تیٹ اندن 5 فیصدچنا دینی مدرسہ تا پارہ غا کارہ 216 سکول دا وخت ملینگ تنو ایلو سکول تیٹ 37 فیصد سکول اسہ کڈی جماعت آ تالان ءُ اندن 14 فیصد استاد آک سکول آ ہننگ آن بیدس تنخواہ ہلیرہ–
اسکول یلہ کروک چنا تا کچ بھلو کچ ئسے اسکان زیات مسونے دنکہ پرائمری نا پِڑ آ 8 لکھ 65 ہزار 337 چنا سکول تیٹ شاغانو تینےولے اوفتیٹ ہرا چناک مڈل سکول تیٹ ہنار اوفتا کچ بیرہ1 لکھ 91 ہزار 300 مسونے دا حساب بد ءُ دروشم ئسے نا چاہنداری کننگ ٹیخواندگی نا کچ ئنا باور آن اورینگے گڑا الف اعلان نا رپورٹ نا رد ئٹ خواندگی نا کچ نرینہ آتیٹ 37فیصد زالبول تیٹ 15فیصد ءِ اندنخلقی علاقہ آتیٹ 35فیصد آن ہم کم ءُ–
یاتی مرے الف اعلان پاکستان ٹی اسہ غیر سرکاری تنظیم ئسے ہرا پاکستان ٹی تعلیم نا بابت کاریم کیک داسکان الف اعلان 2018 ٹی تینا تیوہ آ کاریم تیان دو خلاسی کریسس تنظیم نا پارہ غان دا رپورٹ 2023 ٹی شنک مس–