بلوچ لبریشن آرمی نا ترجمان جیئند بلوچ میڈیا ٹی شینک کروک بیان ئٹ پارے کہ ننا سرمچار آک پنجگور ٹی ارا جتاء جلہو تیٹ کوزہگیر پاکستانی فوج نا قافلہ و چیک پوسٹ ءِ ٹک کریر، ہراٹی چار دژمن کارندہ مرگ نا گواچی و نو ٹپی مسر ۔
ترجمان نا پاننگ ءِ کہ بی ایل اے نا سرمچار آک تدوکا دے سہب نا وخت بی ایل اے – انٹیلی جنس نا معلومات آتا بنیات آ پنجگور ناعلاقہ سرادک گومازن ٹی سی پیک روٹ آ کوزہ گیر پاکستانی لشکر نا ارا گاڑی تے جلہو ئٹ ٹک کریر ۔
اونا پاننگ ئس کہ جلہو نا دک ئٹ بننگ آن اسہ گاڑی ئٹ سوار دژمن لشکر چار کارندہ ہند آ مرگ ئنا گواچی و گیشترک ٹپی مسر اندنلغور کا دژمن کارندہ آتا نرنگ نا کوشست ٹی ارٹمی گاڑی چنکو مُری ئسے آ چپی مس ہراٹی کم و ود ہفت کارندہ ٹپی مسر ۔
جیئند بلوچ نا پاننگ ئس کہ تدوکا نن اسہ پین جلہو اسیٹی بی ایل اے نا سرمچار آک پاکستانی لشکر نا اسہ چیک پوسٹ ئسے ٹککریر ، سرمچار آک دژمن پوسٹ آ گرنیڈ لانچر آن کہی گولہ خلکر ہراٹی کم و ود ارا کارندہ ٹپی مسر اندن اوفتے مالی نسخان ہمرسینگا۔
بیان نا ایسری ٹی اونا پاننگ ئس کہ بلوچ لبریش آرمی دا ہڑتوما جلہو تا ذمہ واری ءِ ارفک و دا پک گمان کیک کہ کوزہ گیر لشکر نا تیوہپیشن مننگ اسکان ننا جہد برجاء مرو ۔