لیبیا آن خڑک بحیرہ روم ئٹ وطن یلہ کروک بندغ آتیان پُر ءُ اِرا کشتی چپی مسر ہرا نا سوب 2 پاکستانی تون اوار 57 بندغ مرگ ئناگواچی مسر۔
پیشن ملکی حوال تروک ادارہ نا رد ئٹ تدینی نا گواچی مروک کشتی تیٹ سوار بندغ آک یورپ آ ہننگ خواہارہ ہرافتا تعلقداری پاکستان،شام، تیونس و مصر آن ئس۔
خن خنوک شاہد آتا پاننگ ئس کہ ٹبوک آ اسہ کشتی ٹی کم آن کم 80 بندغ سوار ئسر اندن کمکار کوالخواہ تا پاننگ ءِ کہ او جاگہ غانپین جون پیش تمنگ کیک۔
انٹرنیشنل آرگنائزیشن فار مائیگریشن نا رد ئٹ برجاء سال ئنا بنائی مُسہ تُو ئٹ 441 وطن یلہ کروک بندغ یورپ آ ہننگ نا کوشست ئٹبحرہ روم آن گدرینگ ئٹی ٹبیسہ کسکونو۔
یاتی مرے کہ اٹلی تدوکا مُسہ دے تیٹ نیام بحیرہ روم ئٹ کم و ود 1600 وطن یلہ کروک بندغ تے دروک 47 کشتی ءِ رکھا و اوفتےلامپیڈوسا جزیرہ آ دریاب آ سر کرے۔