راجی مچی ٹی اوار مننگ ہر بلوچ آ فرض ءِ – ڈاکٹر ماہ رنگ بلوچ

بلوچ یکجہتی کیمٹی نا راہشون ڈاکٹر ماہ رنگ بلوچ نا پاننگے کہ بلوچ راج، بلوچ چاگڑد و بلوچ ڈیہہ آ غٹ کالونیل ذہنیت و چم بازی سوچ ودی کروکا دروغ نا و غیر فطری قبائلی، تپئی، ہندی، مذہبی، لسانی، بدنی، سیم سری، پارٹی بازی، ٹولئی مفاد، و بشخ بانٹی آن بڑز مرسہ بیرہ عملاً بلوچ مرسہ بلوچ راجی مچی (28) جولائی آ گوادر ئٹ تینا اواری ءِ باوری جوڑسہ بلوچیت نا شاہدی ءِ تننگ ہر بلوچ نا راجی فرض ءِ۔

او پارے کہ اگہ بلوچ و بلوچ ڈیہہ ءِ رکھوئی ءِ گڑا بلوچ تون داسا بش مننگ، سماء کننگ و میدان ئٹ دڑنگنگ آن ابید پین ہچو کسر اف۔ ننتون اسہ جاہ مننگ و بحثیت اسہ زندہ او راج ئس ثابت کننگ و تیوہ جہان ءِ دا پاننگ نا وخت ءِ کہ بلوچ داسا پین تینا ڈیہہ آ تینا زنک ایسری ءِ سگپرو۔

ڈاکٹر ماہ رنگ بلوچ نا پاننگے کہ بلوچ راجی مچی غٹ بشخ و بانٹ سازش آتے پدی بٹسہ اسہ راج ئسے نا وڑ اسہ جاہ مچ مننگ نا اسہ دیہاڑی و گچین ءُ وخت ئسے۔ دا ساہت ءِ دو آن دننگ نا نسخان آک “بلوچ راج” ءِ مرور و موقع غا راجی و اشتعماعی سواد دوئی کننگ راجی بقاء ءِ۔