بلوچستان نا ضلع کیچ نا علاقہ تمپ ئٹ نادرست بندغ آک سم کاری کریسہ اسہ ورنا ئسے کسفیر۔
تدینی تمپ شار ئٹ مون آ بس ہراڑے نادرست سلہہ بند بندغ آتا سم کاری آن عبدالرحمان ولد طارق نور کسک۔
خن خنوک شاہد آتا رد ئٹ جلہو کار آک ورنا ءِ اونا باوہ نا مون آ سم خلیسہ کسفیر و تدینی نا ہند آن نرار۔
پولیس نا رد ئٹ تدینی آن گڈ دمدستی جاگہ غا سر مریسہ شاہدی دوئی کریسہ و پٹ و پول نا بنا ءِ کننگانے۔
بنائی حوال آتا رد ئٹ تدینی نا سوب آک دسکان سما تمنگ کتنو۔