سلہہ بند بندغ آک سم کاری کریسہ مستونگ پریس کلب نا اوغدیدار ءِ کسفیر۔
بلوچستان نا علاقہ ضلع مستونگ ئٹ کلی گلکنڈ ئٹ سلہہ بند بندغ تا سم کاری آن سراوان پریس کلب نا اوغدیدار و نیوز ایجنسی آن لائن تون تفوک صحافی نثار احمد لہڑی کسک۔
حوال تا ردئٹ سراوان پریس کلب نا اوغدیدار و سینئر صحافی نثار احمد لہڑی اینو سہب ئنا مستونگ شار ئٹ جوڑ مروک اُرا نا پارہ غا ہننگ ئس کہ اودے ٹک کننگا، سم کاری آن او ہند آ کسک۔
جون ءِ سول اسپتال آ دننگا ہراڑے المی کارروائی آن پد جون خاہوت ءِ تننگانے۔
پولیس نا پارہ غان بنائی حوال تا ردئٹ خون ئنا تدینی زمینی جیڑہ اس ئس، دوبہ دار تا دزگیری کن پولیس چھاپہ خلنگ ءِ۔
پریس کلب نا پارہ غان تدینی نا مذمت کریسہ دوبہ دار تا دزگیری و صحافی تے رکھ فراوان کننگ نا خواست کننگانے۔