بلوچستان نا بھاز آ علاقہ غاک دائسکان دے کہی تہو تا پلویڑ ئٹی ءُ اندن محکمہ مُد اینو کوئٹہ تون اوار 15 ضلع ئٹ پر و مش تیا برف کننگ نا گمان پاش کرینے۔
محکمہ مُد نا ردئٹ تدوکا 24 گھنٹہ ئٹ خضدار ئٹی 60 ملی میٹر، لورالائی ٹی 16، بارکھان ئٹ 14، ژوب ئٹ 11، مسلم باغ ئٹ 6، پشین ئٹ 4 و چمن ئٹ 2 ملی میٹر پر مسنے۔
محکمہ مُد نا ردئٹ اینو بلوچستان نا بھاز آ علاقہ تیٹ مُد خشک مرو واہم کوئٹہ، سبی، قلعہ عبداللہ، قلعہ سیف اللہ، خضدار، زیارت، پشین، ژوب، شیرانی، کوہلو، موسیٰ خیل، بارکھان، نصیر آباد، لورالائی و مکران نا دریابی علاقہ تیٹ منہ ہند آتیا ترند تہو و ہورہ گروک آتیتون اوار پر و مش تیا برف کننگ نا گمان ارے۔