قلات: پاکستانی لشکر نا ٹولی آ بمب تراک

الّمی خوانبو

بلوچستان نا قلات شار نا ہند آ پاکستانی لشکر نا ٹولی ٹی اوار مروک اسہ گاڑی ئسے بمب تراک ئٹ ٹک کرینو ۔

علاقائی ذرائع نا ردئٹ کسر نا کرک آ کڈ کروک تراک ٹی پاکستانی لشکر نا ٹرک گاڑی ئسے ٹک کننگانے ۔ اوفتا ردئٹ لشکری کارندہ آتیا جلہو ہمو وخت مس ہرا وخت او شار نا پارہ غا ہننگ ئسر ۔

تراک ئٹ نسخان آتا بابت آن کوالخواہ دائسکان ہچو شابیتی احوال ئس بیان کتنے ۔

تدوکا بیست و چار گھنٹہ نا نیام ئٹ قلات پاکستانی لشکر آ دا ارٹمیکو جلہو ءِ ۔ تدوکا دے نیچارہ نا علاقہ ٹی پند آ مروک لشکری کارندہ آتا تراک آن گڈ گھیرہ خلسہ سلہہ بند بندغ آک جلہو کریسر ۔

پن کروک جلہو نا ذمہ واری بلوچ لبریشن آرمی ارفیسس۔ تنظیم نا ترجمان جیئند بلوچ بیان ئٹ پارے کہ جلہو تیٹ پاکستانی لشکر نا ہفت کارندہ مرگ ئنا گواچی مسر ۔

اینو نا مروک جلہو نا ذمہ واری ءِ دائسکان کس ارفتنے ۔

پُوسکنا حوالک

چین نا دورہ و بلوچستان ئٹ سکیورٹی سختیک – ٹی بی پی سرگپ

چین نا دورہ و بلوچستان ئٹ سکیورٹی سختیک – ٹی بی پی سرگپ پاکستان نا صدر آصف علی زرداری پنچ...