بلوچستان نا دریابی شار گوادر نا تحصیل پسنی آن زوراکی ئٹ بیگواہ ورنا مقبول انور نا آجو مفننگ نا برخلاف اونا خاہوت برانز کننگے۔
زہمی مروک خاہوت آک پسنی زیرو پوائنٹ آ تولوک برانز کریسہ کراچی آ ہنوک کسر ءِ بند کرے، ہراڑان مکران آن کراچی آ ہنوک کسر تیوہ وڑئٹ بند مس۔
دا وخت آ فورسز آک برانز کروک آتے برانز آن توننگ نا کوشست کریر، زالبول آتا ردئٹ اوفتیا بیدادی کننگا ولے اوفک زوراکی نا بیگواہی تا برخلاف برانز ءِ برجاء تخور۔
برانز کروک آتا پاننگ ءِ کہ اوفک تینا بیگواہ چنا تا آجوئی کن ہندی بست و بند ئتون حوالکاری کریر ولے ہچو گام گیج اس مننگ کتو۔ اوفتا پاننگ ءِ کہ ہراتم اسکان اوفتا چناک آجو متنو، اوفتا برانز برجاء مرو۔