دبئی آن بننگ وخت آ نوشکے نا ہندی ورنا ءِ پاکستانی ڈھکوک ادارہ تا کارندہ غاک ایئرپورٹ آن زوراکی ئٹ بیگواہ کریر۔
بلوچستان نا بنجاہی شار کوئٹہ آن درو پاکستانی ڈھکوک ادارہ تا کارندہ غاک اسہ ورنا ئسے دزگیر کریسہ نادرست ہند آ دریر ہراڑان پد اونا بابت ہچو حوال رسینگتنے۔
ورنا نا چاہنداری محمد اعظم نا مار فرید ہند زور آباد نوشکے نا پن ئٹ مسنے۔
حوال تا ردئٹ پن کروک ورنا تدوکا کیہی سال تیان دبئی ٹی مزوری کننگ ئس۔
پن کروک ورنا درو سہب ئنا دہ بجہ نا وخت آ دبئی آن کوئٹہ ایئرپورٹ ءِ سر مس گڑا پاکستانی ڈھکوک ادارہ تا کارندہ غاک ایئرپورٹ نا تہہ آن اودے زوراکی ئٹ بیگواہ کریر۔