ننا خنتا دیدہ ننا است ئنا بند
یاداک نا تِخوک است آ ننا رند
او پھلی آ سنگت زیبلا یاسر
بھادر آ سنگت ننا گچینا یاسر
خنتیٹی چہرہ نا سُرِک جلپری آ
شپارک آ بدن تو خاخر انگری آ
دتر ئٹ رنگ تِسُّس مشکافے ننا
بوگی تے ئٹ لانکو تے پاکو نا
خنتوس دشمناک تینکے جاہگہ
امبلاک باہُتر نے آ کنا ءُ دیدہ
ہلک قولے اسلمی ننا خمب یاسر
مخیسہ ہِنا دیدہ مس بُس جابر
غم تے جلّا وطن نا تینا سینہ غا
سُم کُنگ بدن آ یاسر پمبئی آ
وا ہم تورے مخیسہ ءُ سنگرے
سبخ تِسّک لانکو تا ءُ مخبرے
سینگار تولوک اوڑکے ننا بزگر ءِ
خنک خلوک اوڑا یاسر ننا دلبر ءِ
یاسر راہشون آ اسلم نا چُنائے
نشان تِس ءُ عشق ئنا وفائے
زندہ ءِ اونا کڑدار سرمچار ئٹ
وطن نا ہر ئسے دا نرمزار ئٹ
بارگ نا اُست ئنا دا شعر نیکے
بر پدا بارگ نیکے زہیر کرینے
شاعر: بارگ بلوچ