بےمار کریر لمّہ تے سڑداری آ تیر آک
چندی تے جنوزاں کریر سرکاری آ تیر آک
بین آتا جہلئو راج ئے کنا پین کسیفے
ٹپ باغ تے کرینو سفا ھیناری آ تیر آک
خزم آتے خنِس ڈیھ ئنا ہر دنگ اٹی رُمب آ
نت تے تا اسُل توتَنو خُونخواری آ تیر آک
رنج آتا نیزہ غاتو مقابِل ای سَلوکُٹ
دمدر کنے ہچ کتّنو آزاری آ تیر آک
تابان تہاری تے کریر خنک صنم نا
لگّار چیوہ اُست اٹی اِستاری آ تیر آک
دہلی نا توار سینہ ئے چیرار سگار ئٹ
پِنڈی نا خَنتے کشّنگ او غفّاری آ تیر آک.
توار بلوچ