حوال تا رد ئٹ بلوچستان نا علاقہ تفتان سیندک نا ہند آ ایم آئی آر ڈی ایل کمپنی نا کنڈان جوڑ کروک جوزک بالی پٹ نا بناء کننگانے، بالی پٹ آ آزمائشی وڑ ئٹ پی آئی اے نا جہاز عملہ تون اوار سرسہبی تون دڑنگا۔
پی آئی اے نا جہاز ٹی سوار ڈسٹرکٹ مینجر کراچی و ایلو آفیشلز آک ئسر۔ جوزک نا ہند آ پی آئی اے نا جہاز نا لینڈنگ آ ایم آر ڈی ایل کمپنی نا کنڈان پریزیڈنٹ مسٹر زانگ، وائس پریزیڈنٹ مسٹر تنگ، اسٹیٹ پریزیڈنٹ مسٹر وانگ، وائس پریزیڈنٹ مسٹر خالدگل، وائس پریزیڈنٹ مسٹر رمضان علی اوار ئسر۔
ایم آر ڈی ایل نا پریزیڈنٹ مسٹر زانگ پی آئی اے نا جوزک بالی پٹ نا ہند آ عملہ ءِ خوش آمدی کرے و پل آتا گلدستہ اس تس، اوکان گڈ باقاعدہ وڑ ئٹ مجلس بناء کننگا۔
مجلس آن ہیت کریسہ ایس ایم ایل نا اسٹنٹ منیجر جمشید نوشیروانی پارے کہ بالی پٹ نا جوڑ کننگ نا سوب آن علاقہ ٹی مثبت بدلی برو دا بالی پٹ آن سرسہب لینڈنگ آن گڈ ہرا تغ ءِ نن خناسن او پورو مس، پریزیڈنٹ مسٹر زانگ پی آئی اے نا عملہ نا ہم منت واری کرے کہ اوفک بھاز زو لائسنس ہلینگ ٹی سر سہب مسر۔