روس نا دے کہی صوبہ ریازن نا کیمیکل پلانٹ ئٹ تراک و خاخر لگنگ نا تدینی ئٹ 16 بندغ مرگ نا گواچی مسر۔
برطانوی حوالکاری ایجنسی رائٹرز تا رد ئٹ ریازن ئٹ تراک گن پواوڈر و کیمیکل پلانٹ ئٹ مس ہراٹی بھلو کچ اسیٹی جانی و مالی نسخان مس۔
خبر ایجنسی ہندی حوال تا بابت تراک ئٹ 16 بندغ نا کہنگ نا حوال ءِ تسونے اندن روس نا وزارت ایمرجنسی تدینی ئٹ 12 بندغ نا کہنگ ءِ پک کرینے۔
کوالخواتا پاننگ ءِ کہ 4 بندغ بیگواہ ءُ ہرافتا پٹنگ کن کاروائیک برجاء ءُ اندن تراک ئنا پٹ و پول نا بناء ہم مسونے۔