بھارتی دارالحکومت نئی دیلی ئٹ زاری موڷ گڑز نا سوب آن خواننگ نا ادارہ و ماڑی تفوک شعبہ نا کاریم تے بند کننگانے، و سرکاری ملازم تے اُرا غان کاریم کننگ نا پرمان تننگانے۔
این ڈی ٹی وی نا پارہ غان شینک کروک حوال تا ردئٹ نئی دیلی نا سر وزیر اروند کجریوال نا پاننگے کہ بروک ہفت دے اسکان سرکاری ملازم آک اُرا غان کاریم کرور۔
کوالخواہ تا پارہ غان پرمان نا ردئٹ ماڑی تفنگ نا شعبہ چار دے اسکان بند مرو، ہرا مُد ءِ لُڑد کننگ ئٹ ودکی نا سوب مری۔ سر وزیر کجریوال نا ردئٹ تیوہ غا سرکاری دفتر آک بند مرور، اندن غیر سرکاری دفتر آتیکن پنت شینک کننگو کہ اوفک ہم اخس مننگ کیک اُرا آن کاریم کیر۔
تدوک دے تیٹ دیوالی آن مُد ئٹ لُڑدی خلیس نا ہداسکان ودا کہ نئی دیلی و ایب کیب نا علاقہ غاتون اوار گڑ گاوں، نوئیڈا و غازی آباد ئٹ مخلوق ساہ ہم ہلنگ کتوکہ۔